79 سالہ ریٹائرڈ ٹیچر کا انوکھا اعزاز
*💥علم کیلئے عمر کی کوئی قید نہیں، تھرپارکر کے 79 سالہ ریٹائرڈ ٹیچر نے قانون کی ڈگری حاصل کرلی*
تھرپارکر سے تعلق رکھنے والے سرکاری اسکول کے ریٹائرڈ ٹیچر نے 79 سال کی عمر میں جامعہ کراچی سے قانون کی ڈگری حاصل کر لی ۔
عمر صرف ایک ہندسہ ہے اور سیکھنے کا کوئی وقت مقرر نہیں۔ اس بات کو سچ ثابت کر دکھایا ہے صحرائے تھر سے تعلق رکھنے والے ایک ریٹائرڈ استاد سکھ رام داس نے جو 8بیٹوں اورایک بیٹی کے والد ہیں ۔
سکھ رام داس نے 74سال کی عمر میں جامعہ کراچی کے شعبہ قانون میں داخلہ لیا اور 79 برس کی عمر میں قانون کی ڈگری حاصل کرلی۔
سکھ رام داس کا تعلق تحصیل ڈیپلو کے گاؤں ہیلاریو پیر سےہے۔
ان کا کہنا ہے کہ قانونی ڈگری کے حصول کا بنیادی مقصد اپنے لیے اور اپنے علاقے کے غریب عوام کی زمینوں سمیت دیگر مسائل کے حل کے لیے ان کا ساتھ دینا ہے ۔
سکھ رام نے مسائل کا حل تلاش کر کے نئی نسل کے لیے ایک عملی مثال قائم کی ہے۔
شیخ غلام مصطفیٰ چیف ایڈیٹر پاکستان آن لائن نیوز نیٹ ورک 923417886500 +