سرگودھا کی بیٹی اریزہ فاطمہ کی غلط انجیکشن لگا کر موت کا سبب بننے والا جعلی ڈاکٹر گرفتار۔
سرگودھا کی اریزہ فاطمہ کی طبی غفلت کے باعث ہلاکت کے مقدمہ میں نامزد اتائی نسیم کی لاہور ہائی کورٹ سے ضمانت منسوخ ہونے پر تھانہ سٹی پولیس نے اسے گرفتار کر لیا۔
ملزم نے گرفتاری سے قبل مقامی عدالت سے عبوری ضمانت حاصل کر رکھی تھی، ضمانت منسوخ ہونے کے بعد وہ روپوش ہو گیا۔
بعد ازاں لاہور ہائی کورٹ کی جانب سے بھی ضمانت منسوخ ہونے پر پولیس نے ملزم کو گرفتار کر کے تھانہ سٹی منتقل کر دیا۔
یاد رہے کہ گلشن عزیز کالونی کی اریزہ فاطمہ کو 6 جولائی کو رشید میڈیکل سٹور پر عطائی نسیم نے انجکشن لگایا تھا، جس کے بعد اس کی طبیعت بگڑ گئی تھی۔
اسے تشویشناک حالت میں ڈی ایچ کیو سرگودھا منتقل کیا گیا تھا، جہاں وہ تین روز وینٹی لیٹر پر زیرِ علاج رہنے کے بعد دم توڑ گئی۔
👁️ Estimated Views 228