اسلام آباد میں شادی والے گھر میں آگ کے باعث گیس سلنڈر پھٹنے سے 7 افراد جاں بحق، دولہا اور دلہن سمیت 9 افراد زخمی، عمارت گرنے سے ساتھ والے 4 گھر بھی متاثر، ریسکیو ٹیم جائے حادثہ پر پہنچ گئی۔
اسلام آباد کے سیکٹر “جی” میں اتوار کے روز ایک گیس سلنڈر کے پھٹنے کے باعث دلہا، دلہن سمیت چھ افراد جاں بحق اور دس زخمی ہو گئے۔
ایڈیشنل ڈپٹی کمشنر نے اطلاع دی کہ یہ دھماکہ گیس کے اخراج کی وجہ سے ہوا، جس کی بنا پر علاقے میں کئی مکانات کو شدید نقصان پہنچا۔ ریسکیو ٹیموں نے متاثرہ گھروں سے کل پندرہ افراد کو نکالا۔ ان میں سے پانچ افراد زخموں کی تاب نہ لاتے ہوئے جاں بحق ہو گئے۔
ایڈیشنل ڈپٹی کمشنر نے یہ بھی تصدیق کی کہ زخمیوں کو فوری طور پر طبی امداد کے لیے قریبی اسپتالوں میں منتقل کر دیا گیا ہے۔ اس واقعے کے بعد پاکستان انسٹی ٹیوٹ آف میڈیکل سائنسز کو ہنگامی صورتحال سے نمٹنے کے لیے ہائی الرٹ پر رکھا گیا ہے اور طبی عملہ زخمیوں کو علاج فراہم کر رہا ہے۔
حکام نے بتایا کہ تمام پھنسے ہوئے افراد کو کامیابی سے بچا لیا گیا ہے اور گیس کے اخراج اور دھماکے کی اصل وجہ کا پتہ لگانے کے لیے تحقیقات کا آغاز کر دیا گیا ہے۔
اسلام آباد میں گیس سلنڈر دھماکہ، دلہا دلہن سمیت 5 افراد جاں بحق، 15 زخمی — تین مکانات تباہ
اسلام آباد کے ایک رہائشی علاقے میں گیس سلنڈر کے ہولناک دھماکے نے خوشیوں کو ماتم میں بدل دیا۔ افسوسناک واقعے میں دلہا دلہن سمیت پانچ افراد جاں بحق جبکہ پندرہ افراد زخمی ہو گئے۔ دھماکہ اس قدر شدید تھا کہ قریبی تین گھروں کو شدید نقصان پہنچا اور علاقے میں خوف و ہراس پھیل گیا۔
عینی شاہدین کے مطابق دھماکہ اچانک ہوا، جس کی آواز دور دور تک سنی گئی۔ دھماکے کے نتیجے میں عمارتوں کے شیشے ٹوٹ گئے اور ملبہ دور تک بکھر گیا۔ واقعے کی اطلاع ملتے ہی ریسکیو ٹیمیں فوری طور پر موقع پر پہنچ گئیں اور زخمیوں کو ابتدائی طبی امداد فراہم کرنے کے بعد قریبی ہسپتال منتقل کر دیا گیا۔
ریسکیو ذرائع کے مطابق زخمیوں میں سے بعض کی حالت تشویشناک بتائی جا رہی ہے۔ جاں بحق ہونے والوں کی لاشیں ضابطے کی کارروائی کے لیے ہسپتال منتقل کر دی گئی ہیں۔ پولیس اور دیگر قانون نافذ کرنے والے اداروں نے علاقے کو گھیرے میں لے کر تحقیقات شروع کر دی ہیں تاکہ دھماکے کی وجوہات کا تعین کیا جا سکے۔
ابتدائی اطلاعات کے مطابق دھماکہ گیس سلنڈر کے پھٹنے سے ہوا، تاہم حتمی رپورٹ تحقیقات مکمل ہونے کے بعد جاری کی جائے گی۔ متاثرہ خاندانوں میں سوگ کی فضا ہے جبکہ اہل علاقہ نے واقعے پر گہرے دکھ اور افسوس کا اظہار کیا ہے۔
Islamabad Police
شیخ غلام مصطفیٰ چیف ایڈیٹر پاکستان آن لائن نیوز نیٹ ورک 923417886500 +